Aztarnategia, nekropolia eta museoa bisitatuko ditugu gida baten azalpenak entzunaz. Bisita gidatua izango da hortaz.
Bisitak gidarik gabe ere egin daitezke, eta, kasu horretan, kanpandorrea eta bertako nekropolia eta museoa bisitatu ahalko dira. Bisita gidatuekin soilik sartu daiteke parrokian.
Bisita libreak zein gidatuak prezio bera dute.
Bisita gidatu zein librea burutzeko aurrez erreserbatzea ez da beharrezkoa baina bai gomendagarria.
1237an Fernando III.a erregeak Zarautzi hiri-gutuna eman zion. Ordubete irauten duen bisita gidatu honek gaur egun irauten duten leku garrantzitsuenak zeharkatzen ditu: Santa Maria la Real parrokia eta kanpandorrea, Narros jauregia, eta Makatza etxea, Torre Luzea, betiko Zarautz ezagutzeko bisita egokiena.
Zarauzko Alde Zaharreko ondarearen bisita gidatua egiteko beharrezkoa da aurrez erreserba egitea, udarako bisita finkoetan izan ezik.
Zarauzko Arte eta Historia Museoa Santa María la Real parrokiaren kanpandorrearen eraikinean dago, lehenengo solairuan. Zarauzko alde zaharrean eta herriko sarrera-irteera gunean.
Autoarentzako gertueneko aparkalekuak Salbide auzoa (Zarauzko anbulategiaren inguruan) eta Munoako aparkaleku pribatua dira.
Autobusean datozen taldeek Frantziskotarren komentuaren pareko autobus geltokian jaitsi beharko dute (Nafarroa kalea 16-18 artean)
